منتديات المايسترو
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا http://www.iraqup.com/uploads/20090512/gWGt0-n1M5_651305796.gif
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك معنا فى منتديات المايسترو علاء فايد;
شكرا
ادارة المنتدي

منتديات المايسترو

منتدى شامل فضائيات حواء دينى قصص افلام اغانى
 
الرئيسيةالبوابةالتسجيلدخولتسجيل دخول الاعضاء

شاطر | 
 

 جمهوريه تيكتيكا للدكتور اسلام فتحى صحاب عمرى

اذهب الى الأسفل 
كاتب الموضوعرسالة
ahmedstar_82
كبير مشرفى منتدى الطب والتداوى
كبير مشرفى منتدى الطب والتداوى
avatar

ذكر
عدد الرسائل : 74
تاريخ التسجيل : 13/11/2008

مُساهمةموضوع: جمهوريه تيكتيكا للدكتور اسلام فتحى صحاب عمرى   الأربعاء 13 مايو - 22:44

جمهورية تيكا تيكا الديكوقراطية تقع الي جوار دولة قمعستان في أعالي فوهات البركان وحابس كابس من الشجب والإستنكاروالعفاريت والجان إعتمدت جمهورية تيكا تيكا نظام آخرغير الديموقراطية والديكتاتورية نظام جديد " نوفي " وأسمته النظام الديكتاقراطي واختصرته في النظام الديكوقراطي بيجري فيها النيل الأزرق المقلم والبحر الأبيض المنقط والبحر الأحمر المخطط ومحصول البلاد الرسمي زهرة الخشخاش والسمة الرئيسية لأي مصلحة حكومية فوت علينا بكره الموظف لسه مجاش كما اختصرت جمهورية تيكا تيكا طبقات الشعب الي طبقتين فقط توفيرا للوقت طبقة الأغنياء وطبقة محرومي ( معدومي ) الدخل وألغت الطبقة المتوسطة لعدم وجود مكان فاضي ليها.. الأحداث والأشخاص لا تمت الي دولة بعينها ولا إلي أشخاص بعينهم هي فقط من وحي الخيال الخالص حدث في جمهورية تيكا تيكا الديكوقراطية … 11 كتبهاالكاتب الساخر/ اسلام فتحي سعد ، في 14 يناير 2009 الساعة: 23:53 م اصقل سيفك ياعباس …11 __________________________ استيقظ الحاكم ذات يوم من أيام تيكا تيكا الي ما يعلم بيها إلا ربنا علي صوت رئيس وزرائه سيد بيه روقان بيصرخ وبيزعق … فزع الحاكم من فراشه علي صوت النواح الغريب – فيه إيه يابهايم , هو الواحد ميعرفش – يتخمد - شويه في القصر المهبب ده فقال له سيد روقان : يامعالي فخامة الزعيم الإنجليز إحتلو البلد … فأخذ يفرك الحاكم في عينيه ويهز في رأسه حتي يتأكد من صحة ما يقول هذا – البقف – ( ده هو الي بيقول ) - إنجليز ايه يابني .. هو احنا مش حررنا المدعوقة دي من الإنجليز قبل كده هي شغلانة , ولا هما مورهومش غيرنا يعني .. - قصدي الخنازير يامعالي الحاكم , المصيبة لجمت لساني وشلت خيالي وتفكيري وكلامي - يا أخي الله يولع فيكم نفر نفر , مفيش غير أخبار تصد النفس دايما كده , والخنازير وصلو لحد فين ياخويا - عدوا الحدود ودخلو سيناء البلد ياجناب الحاكم - طيب خلااص يابو السيد مدام مقربوش من سيناء المحطة , يبقي إحنا في السليم ولا إيه - طلع بيان أشجب فيه الإحتلال علي سيناء البلد ( قالها وهو يمسك بكرش سيد بيه روقان وهو باين عليه علامات التوهان ) خرج سيد بيه روقان رئيس وزراء جناب الحاكم بيكلم نفسه والكل بيتهامس عليه وبيرموه بالجنان , طلع ورقة وقلم من درج مكتبه وجلس يبلور قرار الشجب حتي يلقيه رئيس البلاد الموقر فكان نصه : من غير سلام ولا مسا ولا كلمة كويسة , أحب أقول للجماهير العريضة إن أنا مش موافق علي الي بيحصل في سيناء البلد ده لإن ده ميرضيش ربنا وأنا ليا كلام مع الخنزير الكبير – المبطرخ – بتاعهم , أكبر راس عندهم وقد قررنا نحن رئيس دولة تيكا تيكا الموقر إننا نصرف عيش من غير مسامير وإزازة شويبس عشان عاملين مقاطعة عقبالكم كده لما تحسوا علي دمكم شوية , الريس يابقف منك له عامل مقاطعة شوف انت بقي يعني أقدر أدخل محل كونتاككك في أي وقت واكل صدور فراخ مقرمشة زي ما أنا عايز وكمان أقدر أشرب سجاير(برلمورو)زي ما أنا عايز بس مش هعمل هذا الفعل الشنيع عشان مقتلش اخواتي التيكا تيكاويين برصاصة أدفع أنا تمنها … يارب نحس علي دمنا … وأنا من موقعي هذا بشجب الإحتلال من كل قلبي … اصقل سيفك ياعباس ..! وبعد إزاعة قرار الشجب والخطاب الحماسي .., جاءت صرخة رئيس الوزراء سيد روقان مدوية ياجناب الحاكم ياجناب الحاكم - فيه ايه تاني ياسيد , دخلتك عليا من الصبح مليانة أخبار زي الزفت .. أخبار تشل .. - للأسف ياجناب الحاكم , الإحتلال دخل سيناء المحطة وخد أول قطر ودخل كل المدن الي بنصيف فيها - هو انا لسه لحقت ياسيد , دا انا لسه بقول قرار شجب بتاع سيناء البلد , حضر بقي شجب تاني بتاع سيناء المحطة , بس بقي ياسيد كفاية دموع قطعت قلبي , ياعم وانت مضايق ليه ولا يهمك هوديك تصيف في أوروبا , خلاص بقي بطل نكد , - طيب هنعمل ايه ياجناب الحاكم - طلع قرار تاني اشجب فيه إحتلال سيناء المحطة والمدن الي بنصيف فيها , وقولهم إن كده مش معقول أبدا دي قلة أدب , هو إيه سكتناله دخل بحماره , - أقولهم حماره يافندم , - لا ميصحش فعلا ياسيد , يقولوا إيه علينا ؟, ناس مش متحضرة , قولهم سكتناله دخل بحصانه , الحصان أشيك شوية - أوامر معاليك ياباشا وكتب سيد روقان وطلع جناب الحاكم يهاتي في التلفزيون . هو إنتوا فكركم إيه ؟ إن قلبي مش علي البلد , لالا ( أمبوسيبل ) تيكا تيكا دي حتة مني , نيلها الملون بيجري في عروقي بدل الدم , يا اخونا الإحتلال دخل محلات جروبي وأكل كل الجاتوهات , تخيلوا إنهم مرحموش حتي محلات الامريكين اكس بي اس مسابوش ولا دستة جاتوه , ابن سيد رئيس الوزراء مبهدل نفسه دموع وعذاب علي الجاتوه من غير فايدة , إنتم فاكرين قلبي إيه .؟ حجر …. لا وألف لا …. أنا برسل باقة شجب للخنازير … لو ما سحبوش قواتهم هقتل واحد من الشعب كل ساعة ..لحد ما ينسحبوا أو أخلص علي الشعب ومتقلقوش يا شعبي ياحبيبي في كلتا الحالتين إحنا المستفيدين … بفرض إن الإحتلال ترك البلد وانسحب يبقي مكسب لينا وبفرض إنهم إتوغلوا أكتر يبقي برضو مكسب ليكم إنكم تموتوا بإيد حاكمكم الي شاكمكم مش كده أحسن والنبي وبعدين في كلتا الحالتين .. هتدخلوا الجنة ما كده او كده هتموتوا شهداء ..!! أصقل سيفك ياعباس …!! ………………………… وصل الحاكم الي وسط البلد هو ورئيس وزرائه سيد بيه روقان يتفقد أحوال الرعية و…قال الحاكم متعجبا … فين الشعب ؟ فقال أبو السيد :البلد كلها وديناها في الخنادق ياريس فقال الحاكم : ما شاء الله عندكم خنادق ومتقوليش ياسيد .. هو ده العيش والبسطرمة برضو … هو انا غريب ياراجل بس كويس برضوا عشان الإحتلال لما يدخل يلاقي البلد فاضية بدل ما يكسروا ويهدوا الدنيا , وأهم ياخدوا واجبهم ويتكلوا علي الله ياسيد , صح ؟ - ياريس البلد في خطر , الإحتلال وصل لحي (الموعادي ) وحي (حدقان ) - ياسيد ميبقاش قلبك رهيف كده , أهم حاجه إننا في السليم والشعب كله في أمان وبياكل مسقعة بالدقة كمان ,,, طلع بيان أشجب فيه الإحتلال والعدوان من الخنازير علي الموعادي وحي حدقان واطمن علي المصانع كمان - أوامر معاليك ياباشا ,, أهم شيء إن الإحتلال بعيد تماما عن العاصمة يا شعب , والي بعيد عن العين بعيد عن القلب ولا إيه ؟ أحب أطمنكم إن شارع شبرا لسه بخير بطمنكم كمان إن العدوان لو تقدم ودخل أي عمارة من أبراج مصر الجديرة ولا الزمامك هيلاقو قوة طاغية من جنود تيكا تيكا الأحرار يدافعواعن المتحف التيكا تيكاوي , وتاريخ تيكا تيكا العريق … بأيد شجبي لعدوان الخنازير علينا … أصقل سيفك ياعباس …!! بعد الخطاب فرح سيد بيه روقان الحاكم قائلا : افرح ياريس – وزقطط - مجلس القلل المتحدة مجتمع والمظاهرات مالية العالم .. - مش قلتلك ياسيد , قلب المؤمن دليله , والي بيحصل ده ميرضيش حد أبدا , هما في مجلس القلل المتحدة قالوا إيه ؟ - شجبوا هما كمان يافندم وقالوا شجب معاليك مش أحسن من شجبهم , - طيب والله فيهم الخير ياسيد . وأخبار الإحتلال إيه ؟ - بيقرب من ميدان التحوير يافندم وجزء منهم دخل مصر الجديرة وبيقربوا من قصر سعادتك الي في شارع الصحافة معاليك , طيب إحنا مالنا ياسيد , إحنا ندخل القصر ونقفل بابنا علينا , وعلي رأي المثل , الباب الي يجيلك منه الريح سدوا وإيه ياسيد …؟ واستريح سعادتك .. - طب ما إنت حافظ أهو ياسيد أومال ليه بقي مغلبني … بعد ساعات …وصل الإحتلال في البلد الشبه ميتة الي باب الحاكم .. وهو يشاهد خطب شجبه علي قنوات العالم الفضائية وأتي صوت المذيع هادئا كما يزف بشري سعيدة ..: إليكم الأخبار أيها السادة … نحن الآن علي الهواء مباشرة لنقل إحتلال الخنازير إلي دولة تيكا تيكا وقد أعلن جيش العدو الغادر أنه لا إصابات في صفوف جيشه كما لم يري أحد جناب الحاكم ولا سيد بيه روقان من آخر قرار للشجب والإستنكار , - قال سيد روقان بعدما سمع صوت الطرق علي الباب : ياجناب الحاكم , الإحتلال ع الباب , اأفتح وأناديله ..ياحاكم أرد الباب ولا اناديله ..حاكم …ياحاكم - إفتح ياسيد وحتي لو إحتلوا القصر , مش هستسلم , طلع قرار شجب واستنكار برضوا وإوعي يستفزوك …. - ولو قربوا منا ياجناب الحاكم والبنادق قدام عيونا ومتوجهة لينا اعمل إيه .؟ - إديهم رسالة تهديد.. - طب والجيش والرجولة والنخوة والكرامة وعروبتنا .؟ - خليهم لوقت الشدة ….!!! أصقل سيفك ياعباس …!!! أصقل سيفك ياعباس …!! مفروس أفندي متغاظ… اسلام بيه فتحي سعد أضف الى مفضلتك ـــــــــــــــــــــــــــــــــــــــــــــــــــــــــ
الرجوع الى أعلى الصفحة اذهب الى الأسفل
alaasat
المدير العام للمنتدى (( المايسترو))
المدير العام للمنتدى (( المايسترو))
avatar

ذكر
عدد الرسائل : 346
الموقع : http://www.alaasat.mam9.com
تاريخ التسجيل : 31/10/2008

مُساهمةموضوع: رد: جمهوريه تيكتيكا للدكتور اسلام فتحى صحاب عمرى   الثلاثاء 26 مايو - 17:02

الله ينور عليك يا غالى والموضوع مثبت
الرجوع الى أعلى الصفحة اذهب الى الأسفل
http://www.alaasat.mam9.com
 
جمهوريه تيكتيكا للدكتور اسلام فتحى صحاب عمرى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المايسترو :: منتدى الشعر والادب-
انتقل الى: