منتديات المايسترو
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا http://www.iraqup.com/uploads/20090512/gWGt0-n1M5_651305796.gif
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك معنا فى منتديات المايسترو علاء فايد;
شكرا
ادارة المنتدي

منتديات المايسترو

منتدى شامل فضائيات حواء دينى قصص افلام اغانى
 
الرئيسيةالبوابةالتسجيلدخولتسجيل دخول الاعضاء

شاطر | 
 

 جمهريه تيك تيكا الحلقه 3

اذهب الى الأسفل 
كاتب الموضوعرسالة
ahmedstar_82
كبير مشرفى منتدى الطب والتداوى
كبير مشرفى منتدى الطب والتداوى
avatar

ذكر
عدد الرسائل : 74
تاريخ التسجيل : 13/11/2008

مُساهمةموضوع: جمهريه تيك تيكا الحلقه 3   الجمعة 15 مايو - 14:32

في تيكا تيكا يمكن للمعزة ...أأقصد ( المزه) أن تسحب ورائها الخروف في غير مواعيد الذبح الرسمية ...[ندعوك للتسجيل في المنتدى أو التعريف بنفسك لمعاينة هذه الصورة]
إسلام فتحي سعد

-3-
خرجت بعد أن شاهدت كليبا طازجا علي القناة التي تتحدي الملل ليل نهار من أجل راحة وهناء الشعب التيكا تيكاوي جعلني أضرب كفا بكف وأخماسا في أسداس ..





هي العالم أتجننت ولا إيه ؟!
جمله عادية أطلقها جاري وهو (مبحلق علي الآخر ) في حاجه مبتعدة – لم يحالفني الحظ أن أراها –

مالك بس يا أستاذ محمود ؟ بتكلم نفسك ليه ؟
اسكت يا أستاذ عادل الناس أتجننت خلاص لا بقي فيه حياء ولا الرجالة بقت رجالة..

يانهار اسود الرجالة مش رجاله ازاي ...( ياد انطق وقعت قلبي )..
هما هيلغوا الدعم من علي الرجالة ؟

لأ طبعا
شالو الرجالة من بطاقات التموين ؟
لا بردوه
منعوا الرجالة في البلد ؟

لا بردوه يا أخي رجالة إيه بس إلي يمنعوها..هما قلوا لوحدهم من غير ما يتمنعوا والي طفش طفش والي – فطس فطس –
أمال إيه بس فيـــــه إيه ؟ حددوا إقامتنا ؟
يا سيدي لا مش ده إلي أقصده

أمال إيه بس ( جتك البله وقعت قلبي )

تخيل يا استاذ عادل لسه واحد وواحدة حالا ماشين من هنا ..وتخيل واحدة بقي مش أي واحده يعني ...لا دي اييييييييييه ..صاروووووووخ يا أستاذ عادل

من غير ما تحلف باين اهوه علي وشك..
طب وإيه يعني يا أستاذ محمود ما البلد بقت مليانة صواريخ نسائية لما هيطفشوا الرجالة خلاص .. وبعدين بلاها سيرة الصواريخ دي ليفتشوا شقتك وأنت مش حمل تفتيش ...
بس قولي أنت مضايق ليه باين عليك – هتـفرقع –

أبدا بس أنا كنت نفسي أفهم ازاي راجل يقبل إن مرآته تخرج وتلت وقق مساحيق يلونوها علي رأي عمنا جاهين – ولبس يفضح أكتر ما يستر – أنا نفسي بقيت مكسوف جدا وأنا بتفرج....

لا يا راجل – وكده بردوه متنادي عليا ما أنا مرمي فوق يخونك العيش المدعم والطعمية المحروقة –

نعم ..؟ بتقول حاجه يا أستاذ عادل ..؟
لا لا .. ..أكمل ..أكمل .. يا أخي
بس كان هاين عليَّ أوقفه وأترجاه يسلفها لي ساعة زمن ,
أفندم بتقول إيه..يا أستاذ محمود

قصدي يعني , كنت نفسي اعرف إحساس الراجل ده يا أخي مركز قوي يعني يا خويا ,
طب وأنت تعرف إحساسه ليه ..؟
تفتكر إحساسه إيه يعنى ... تفتكر هو لسه عنده إحساس

كنت عايز أوريه التهمة إلي فوق , وأقوله يا ابن المحظوظة
ها سمعني صوتك بس... بتقول إيه..؟
بقول فكر معايا ؟
والله انا بقول يمكن فرحان يعنى وهي كده , الكل يتفرج ويبحلق ..

انت مشوفتش الجامعات واللي حاصل جواها ...مصائب والله يا أستاذ عادل
مصائب ازاي يعنى .؟
صحوبية بقي - وأنتخة- وآخر روقان –

(أنتخة إيه و روقان إيه ..الراجل ده مدخلش جامعات ولا إيه)
معرفش ليه حاسك بتقول حاجه يا استاذ عادل

يا سيدي لا ..كمل كمل

تخيل طالب عندي لقيت أخته ماشية مع واحد ..
لا يا شيخ ما يمكن قريبهم ولا جارهم يا أستاذ محمود ...

ما أنا قلت كده بردوه وقلت أسأله ..؟
وبعدين قال إيه ..؟
قال لي كلام غريب جدا ...
أيوه إيه يعني..؟
الا أنا مش مصدق
ياسيدي قول وخلصني
أصلي مش مستوعب يا أستاذ عادل
( ما تنطق ياد لخبطك بوكس )
نعم بتقول حاجه يا أستاذ عادل ؟
لا يا سيدي قول لي بقي قال إيه أخوها ...؟
تخيل يا أستاذ عادل يا أخ يا فاضل أنه يتجرأ ويقول لي أنا إنه (أنتيخها ) وليعوذ بالله ..
(أنتيخها إزاي يعني )!! هما غيروها..قصدك - أنتمها –

أيوه هي الملعونة دي ... ودي معناها إيه بقي يا أستاذ عادل أصلي أحرجت أسأله..فقلت انك بردوه أبو المفهومية ..
نعم ..؟ مين ..فين ...هااا ..؟ أنا ..حضرتك بتكلمني أنا

أيوه أمال بكلم مين هو فيه غيرك واقف معا يا ...

ياريتك ما أكدت لي إلي فهمته ... و جاي لي أنا بقي ...أفهمك ...
يعني أروح لحد غريب بردوه ..؟
لا ودي تيجي بردوه ...يا سيدي كنت روح والله ما كنت هزعل..
ليه هي حاجه أباحة ..؟
شوف يا أستاذ محمود أنا هحاول أشرح لك
بس يا رب باباك يبقي ضابط يا شيخ تحاول تستوعب..
أماء برأسه وكأنه مقبل علي امتحان الثانوية العامة أيام ما كانت ثانوية ..
آآآآه ...يبقي مش مستوعب ...نهايته ..
أنتخة يا أستاذ محمود ...أأقصد أنتمه يعني أتنين متصاحبين ...
يا نهار اسود
لالا دي مش حاجه وحشه الأيام دي .. متصاحبين يعني أصدقاء ..( وقد قرر مجلس القادة التيكا تيكاويين الوطنيين صرف مزة لكل طالب يجيب فوق العشرين في المية وهذا في إطار تنشيط السياحة في تيكا تيكا ورفع مستوي التعليم )

يسألوا عن صحة بعض ...أحوال بعض
يفضفضوا لبعض يعني ... ( ولو مضايق قوي يعني ممكن حته لحمة حمرا أو تقعد جمب حيطة حمرا او تولع النور الأحمر المهم انها تكون ليلة حمرا وخلاص ...ملحوظة ..غير مسموح بأي ألوان تانية غير الأحمر في تيكا تيكا )

يفطروا سوا ... ( هم ياكمل والحركات دي ..مفيش مانع تأكله في بقه كمان من باب فتح النفس عادي دي من حقوق الصحوبية )

يرنوا علي بعض ( ملحوظة.. الرصيد مخصص لأصحابه من المزز أما الرجالة فكفاية عليهم رنات ..هما هيطيروا يولعوا
الرجالة المهم المزز)

يحكوا لبعض أسرارهم...
(يعني ميرضكش بردوه البنت متلاقيش صدر حنين ترتمي عليه ( ودي في مرحله متقدمة من الأنتمة بس )..

يانهار مش زى بعضه ,

لا وإيه خد التقيلة يا محسن ..قصدي يا محمود..
و أهاليهم كمان عارفين ...

يانهار فحلقي مفرفش ومنعنش ومطنش
طبعا , ما إحنا شعب تيكا تيكا مشينا علي السيكا والكوسة والبولوتيكا وعندنا ديكوقراطية ... البنت مش ممكن تعمل أي شيء من غير ما تقول لشمامتها... !

ها ..مين ؟

أأقصد والدتها ...!
مين ده يا حبيبتي ,
لا ده أنتيمي يا ماما ,

ورد الفعل يكون ايه يا أستاذ عادل يا خبرة ..؟

طب يا حبيبتي ( تيك كير وبوسة علي الطاير ) وبس كده
وبعدين القنوات الفضائية مستمرة في تدعيم الفكرة باستمرار وحاجه أخر تمام ..

حقيقي أنا مصعوق يا أستاذ عادل , ياريتني يا أخي ما سألتك , كنت سبني علي عمايَّ وشايف الدنيا لسه بخير .. بس لازم نشوف حل للموضوع ده ...؟
( حل إيه يا سيدنا ..نتحكم في البيوت ازاي إذا كان الأهل مش متربين أصلا )..والمصيبة الأكبر إن الملتزمين بالنهج السليم أصبحوا شواذ عن العوام

بقوا من أرباب ...ياي.. أنت مش مأنتم ...!
والله عندك حق يا أستاذ عادل ... ما هو التطهر في زمن النجاسة جريمة...

طب والحل ..؟
أنا أقترح يا أستاذ محمود إننا
نعمل كارنيهات ...علشان الضابط يجي يقبض علي حد منهم يسأله راجل ..ولا خروف ؟
يقله لا خروف ..فيسيبوا لحاله

ها ها ها ..فعلا يا أستاذ عادل
الحل إن الرجالة ترجع رجالة ...
ها ها ها
قصدك إن الخرفان ترجع تسحب المعيز.__________________
النساء جميعهن متشابهات والجميع يجزم بذلك ,
الحب فقط هو من يوهمك بالعكس
الرجوع الى أعلى الصفحة اذهب الى الأسفل
 
جمهريه تيك تيكا الحلقه 3
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المايسترو :: منتدى الشعر والادب-
انتقل الى: